Екипата на Победа од Пепелиште успешно ја заврши сезоната во Општинската фудбалска лига (ОФЛ) Неготино, откако тимот ја освои двојната круна.
Тимот стана шампион во ОФЛ Неготино низ доминантна сезона со учинок од осум победи и две нерешени средби, а притоа имаше најуспешен напад кој постигнал 36 погодоци, а примил шест гола, со освоени 26 бодови на своето конто.
Зад шампионот од Пепелиште заврши екината на Напредок од Војшанци со 19 бодови, а пак Вардар Бистринци беше трет со 18 бодови на своето конто.
Во однос на листата на најдобри стрелци Драган Спасиќ од Вардар Бистренци има постигна 13 погодоци, а пак Дејан Усинов од екипата на Победа имаше 12 погодоци, а беа постигнати и два автоголови.
Во финалето од КУпот на ОФС Неготино екипата на Победа од Пепелиште со убедливи 5:1 го декласираше тимот на Напредок од Војшанци и така ја освои и Куп титулата на ОФС Неготино, а со тоа екипат од Пепелиште стекнува право да учествува и во Купот на Македонија.
Најдобриот стрелец на Победа уште во 6. минута постигна гол за 1:0, а веќе во 13. минута резултатот беше 2:0 со голот на Назми Ализотов, резултат со кој се замина на полувреме. Во вториот дел беа постигнати четири погодоци. Реџеп Амков беше двоен стрелец, а еден гол постигна Виктор Аризанов за Победа, а за екипата на Напредок единствен стрелец беше Тане Анѓеловски.
Дополнителен хендикеп за Напредок беше тоа што од 60. минута играше со играч помалку на теренот откако Симеон Ѓорѓиев доби директен црвен картон.
Дејан Усинов од екипата на Победа Пепелиште беше прогласен за најдобар играч.
