ФудбалЧетврта лига

ФОТО: Крошу Спорт и Могила во финале на ОФЛ Битола – Алимовски блесна со четири погодоци!

Сподели
Сподели

Могила и Крошу Спорт се пласираа во финалето каде ќе се соочат за шампион на Општинската фудбалска лига (ОФЛ) Битола.

Двете екипи триумфираа убедливо и обезбедија финале каде ќе играат за шампионска титула, но и за влез во Трета лига – Југозапад.

На одличниот фудбалски терен во Црнобуки беа одиграни двата полуфинални натпревари, каде беа постигнати голем број на погодоци.

Крошу Спорт со убедливи 1:4 го доби тимот на Лисолај и така обезбеди финале. Лисолај го отвори резултатот по само две минути игра преку Кристиан Симиќ, но не требаше многу Крошу Спорт во 8. минута преку Дејан Велевски израмни на 1:1, а веќе во 14. минута направи и пресврт преку гол на Александар Крстевски.

Во вториот дел Лисолај бараше гол за израмнување, додека пак Крошу Спорт бараше гол за ставање печат на победата. Во 71. минута Николче Штраклевски погоди за 1:3, а во 77. минута конечните 1:4 ги постави Александар Ѓорѓиевски.

Могила на крилата на Хакан Алимовски обезбеди финале откако со убедливи 1:4 славеше над Победа од Ивањевци. Триумфот беше најавен уште во првиот дел кога Алимоски постигна хет-трик во првиот дел за 0:3 на полувреме и висока предност за Могила.

Во второто полувреме Победа преку Даниел Паревски намали на 1:3 во 62. минута, а во 75. минута Алимоски со четврти гол ги постави конечни 1:4.

Финалето за шампион на ОФЛ Битола ќе се игра на 7. јуни со почеток од 17 часот на Градскиот стадион „Петар Милошевски“ во Битола. Победникот покрај обезбедување на шампионската титула ќе обезбеди и влез во Трета лига – Југозапад за следната натпреварувачка сезона 2025/2026.


Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

(ФОТО) Лазаров го надмудри својот учител Червар – Алкалоид го урна Еурофарм Пелистер и се искачи на третото место!

Ракометарите на Алкалоид на домашен терен во го совладаа актуелниот вицешампион Еурофарм Пелистер со 30:28, во 11. коло од македонската ракометна Суперлига. Во...

Ракомет

ГРК Тиквеш ќе добие нов тренер, откако се раздели со Кристијан Грчевски

Суперлигашот ГРК Тиквеш ќе добие нов шеф на стручниот штаб, откако клубот од Кавадарци се раздели со Кристијан Грчевски, а одлуката за разделба...

Поврзани написи
ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

Прва лигаФудбал

Лидерот Струга гостува во Штип, дерби на Вардар и Тиквеш, Силекс ќе бара бодови против Шкендија

Репрезентативната пауза заврши, фокусот е на 14. коло од Првата македонска фудбалска...

✕
error: Содржина е заштитена! Се забранува копирање на истата!