Ракометарите на Вардар повторно се искачија на лидерската позиција во плеј-офот на Суперлигата, откако во тешко и борбено дерби на гостински терен во салата „Билјанини Извори“ го совладаа Охрид со 21-25 (12-11). „Црвено-црните“ покажаа зрелост и карактер, особено во второто полувреме, каде успеаја да направат клучен пресврт.
Екипата на Охрид уште еднаш покажа дека може да биде достоен ривал и за најсилните, но повторно им недостасуваше завршница за сензација против фаворитот.
Првото полувреме им припадна на домаќините, кои предводени од расположениот Хироки Матцуока заминаа на одмор со минимална предност од 12-11, но во вториот дел Вардар беше многу подобар особено и во одбраната и така стигна до својата цел да триумфира покрај езерото.
Најефикасни за Охрид беа Матцуока со пет и Кукуловски со четири гола, додека Вардар го предводеше Борозан со пет погодоци, а по четири додадоа Јагуриновски и Родригез.
