Фудбалерот на Вардар Неготино, Петар Смилков, е убедливо најдобриот стрелец во Третата пионерска лига – Група А, со неверојатни 40 постигнати голови оваа сезона.
Овој 15-годишен напаѓач е вистински „мотор“ на својот тим, кој има најдобар напад во лигата. Вардар Неготино вкупно постигна 89 голови, од кои дури 40 се дело токму на Смилков – вистинско достигнување што ретко се гледа на младинско ниво.
Втор на листата на стрелци е Бојан Колишев од Слога Виница со 21 погодок, додека третото место му припаѓа на Михаил Гоговски од Академија Осогово, кој има 19 голови.
На табелата, Академија Осогово е првопласирана со 45 бодови, исто колку и Вардар Неготино, но поради подобар меѓусебен скор, тимот од Крива Паланка ја предводи табелата.
