Општинскиот фудбалски сојуз (ОФС) Валандово беше организатор и домаќин на завршниот турнир од ФФМ Детската лига – Централен регион, Група Б, каде настапија две генерации млади фудбалери, родени 2015 и 2017 година.
Натпреварите се одиграа на Градскиот стадион во Валандово, кој беше одлично подготвен и понуди идеални услови за игра.
Во генерацијата 2015 учествуваа седум екипи: Победа Кидс (Валандово), Кожуф (Гевгелија), Хоризонт Турново, Брера Струмица, Беласица, Детонит Плачковица и Џокер Фурка. Кај генерацијата 2017 настапија четири екипи: Победа Кидс, Кожуф, Брера Струмица и Азури (Радовиш).
Брера Струмица ја освои титулата во генерацијата 2015, прикажувајќи доминантни настапи, со што се избори за пласман на завршницата во Скопје. Во генерацијата 2017, триумфираше Азури од Радовиш, совладувајќи ја екипата на Победа Кидс со убедливи 4:0 во финалето, па така радовишани патуваат на завршницата во Скопје.
ОФС Валандово се покажа како извонреден домаќин, обезбедувајќи сендвич, сок, банана, кроасан и вода за секој млад фудбалер – пример за тоа како треба да се води грижа за младите спортски надежи и нивниот развој.
Турнирот понуди многу возбудливи натпревари, голови, победи и порази, поддршка од трибините, емоции и спортски дух. Валандово уште еднаш покажа дека знае да биде вистински домаќин, а сите учесници – фудбалери, тренери и родители – си заминаа задоволни од организацијата и гостопримството.
