Големото финале од Купот на Македонија ќе се одигра на 21 мај (среда) со почеток од 20:00 часот на Националната арена „Тодор Проески“ во Скопје, каде што ќе се соочат екипите на Вардар и Струга Тим Лум.
Главен судија на натпреварот ќе биде Игор Стојчевски од Скопје. Нему ќе му помагаат првиот помошен судија Дарко Јовчевски од Тетово и вториот помошен судија Мартин Петковски до Куманово. За четврти судија е назначен Јован Качевски од Струга.
За првпат на Куп-финале во Македонија, во ВАР собата ќе делуваат странски судии – Новак Симовиќ од Нови Сад и Урош Стојковиќ од Белград, двајцата од Србија.
Делегат на натпреварот ќе биде Игор Франговски од Скопје, а контролор за судењето Зоран Николовски од Скопје.
Виолета Јанчева, Спортска Мрежа
