Фудбалскиот терен во Агино Село е целосно подготвен за денешните плеј-оф натпревари на Општинската фудбалска лига Куманово, кои ќе одлучат кој тим ќе обезбеди пласман во Третата македонска фудбалска лига – Север.
Организаторите од ФК Македонија Агино најавуваат вистински фудбалски празник, со многу публика, ладно пиво, вкусно мезе и одличен фудбал.
Денес, 17 мај, ќе се одиграат двете полуфинални средби: од 15:00 часот ќе се соочат Лопате и Четирце, а од 17:00 часот Јуниор и Победа. Победниците од овие дуели ќе се пласираат во големото финале што ќе се игра на 25 мај.
ФК Македонија Агино ги поканува сите љубители на фудбалот да уживаат во возбудливите натпревари и пријатната атмосфера на теренот во Агино Село. Очекувајте спорт, дружење и вкусни моменти!
