Левиот бек на Охрид, репрезентативецот на Грузија, Теимураз Орјоникидзе, заработи повреда поради која ќе биде надвор од ракометните терени од седум до девет месеци, практично нема да може да игра до крајот на 2025 година.
Ракометарот на Охрид се повреди на натпреварот меѓу Грузија и Грција.
„Ударната игла во нападот на ГРК Охрид Теимураз Орјоникидзе заработи тешка повреда на предните вкрстени лигаменти која ќе го оддалечи од терените 7-9 месеци. Му посакуваме добро опоравување и да ни се врати уште посилен во синиот дрес на Охрид“, велат од неговиот клуб.
Натпреварот меѓу Грузија и Грција, на кој се повреди Орјоникидзе заврши со победа за неговата репрезентација од 29:26, со што Грузија заедно со Исланд од групата 3 обезбеди учество на Европското првенство 2026.
