Нашата најдобра фудбалска судијка Ивана Пројковска ќе биде четврти судија на големото финале од Лигата на шампиони за жени, што ќе се одржи на 24 мај во 18:00 часот по средноевропско време во Лисабон.
Таа доби доверба од УЕФА да биде дел од судискиот тим на спектаклот меѓу Барселона и Арсенал, што претставува огромно признание за нејзината работа и квалитет.
Со ова, Пројковска станува дел од судиската елита на европскиот фудбал, а нејзиното учество во финалето е нов историски успех за македонскиот фудбал.
Натпреварот ќе го суди Ивана Мартиниќ од Хрватска а најзини асистентки ќе бидат Сања Родјак Каршиќ и Маја Петровиќ исто така од Хрватска.
Виолета Јанчева, Спортска Мрежа
