Денес беше комплетирано 24. коло на Третата фудбалска лига – Запад, каде екипата на Вардар од Брвеница забележа домашна победа од 3:1 над Доброшти.
Со голот на Александар Аризанкоски во 30. минута домашниот тим имаше минимална предност од 1:0 во првиот дел. Во второто полувреме искусниот Даниел Радески погоди за 2:0 во 71. минута, а четири минути подоцна Шкелќим Мемети погоди и намали на 2:1. Во финишот од мечот Тони Брњарчевски беше сигурен за конечни 3:1.
Зајази дојде до победа од 3:4 над Камјани на гостински терен каде хет-трик постигна Агон Хашими. За гостинот погоди и Флорин Мехмеди во 90. минута обезбедувајќи победа.
За домаќинот погоди Метин Муслији во првиот дел и Енис Бајрами и Шкљзен Османи во второто полувреме.
Вчера како што веќе информираше Спортска Мрежа тимот на Речица го доби Велазерими Слатино со 2:1, Ренова загуби дома со 2:5 од Тетекс, Љуботен славеше со 3:2 над Џепчишти, извештајот е достапен овде.
Мечот меѓу Напредок и Дрита од Боговиње не се одигра, откако гостинот не се појави на теренот.
„По чекање од 30 минути гостинската екипа не се појави на теренот, службените лица (судиската тројка, делегатот, контролорот) беа присутни на теренот, заедно со домашната екипа“, се вели во записникот од мечот.
