Екипата на Студеничани доминираше во Општинската фудбалска лига во Кисела Вода или Четврта лига по ранг на натпреварување и со максимален учинок стана шампион.
Екипата на четири кола до крајот од првенството стана шампион, а на овие досега 14 одиграни натпревари Студеничани има максимални 14 победи, има најмногу постигнати погодоци дури 82 гола, а прими само четири со што ја има и најдобрата одбрана, а на своето конто има 42 бодови.
Пред екипата на Студеничани сега е баражот за влез во Третата македонска фудбалска лига – Север.
Минатата сезона немаше среќа во баражот екипата на Студеничани, откако првиот го загуби од Пчиња, а вториот од Њу Старс и така остана во ОФЛ Кисела Вода.
