Македонскиот одбојкарски шампион, Струмица, вечерва доживеа голем пораз од грчкиот шампион Олимпијаков во првиот натпревар во првото коло од Лигата на шампионите со резултат од 0:3 во сетови.
Натпреварот кој се одигра во салата „Парк“ во Струмица гостите од Грција ја оправдаа фаворитската улгоа со висока победа. Македонскиот шампион имаше одлични подготовки и доби квалитетни засилувања, но сепак, тоа не е доволно за парирање на Олимпијакос, кој многу веројатно ќе оди во следна фаза, а Струмица ќе заврши со Лигата на шампионите уште во првото коло.
Првиот сет Олимпијакос го доби со 15:25, во вториот сет Струмица додаде плус два поени и го загуби сетот со 17:25, а во третиот сет како и првиот Олимпијакос го доби со 15:25.
Реваншот е закажан за 24. септември во Атина, Грција, каде Струмица ќе се обиде да го поправи лошиот впечаток од вечерашниот меч.
