Македонскиот фудбалски шампион во младинска конкуренција, Брера Струмица ремизираше против Сараево од Босна И Херцеговина (2:2) на првиот меч во Струмица во рамки на младинската Лига на шампион.
Струмичани се вратија од два гола негатива, со што во БиХ патуваат од „нула“. Сараево преку гол на Поповиќ во 37. минуат стигна до 0:1.
Плоко со гол од пенал обезбеди 0:2 за екипата на Сараево во 69. минута. Домашниот тим преку Мартин Ѓорѓиевски во 76. минута намали на 1:2, а во продолжението бркаше гол негатива за да дојде до израмнување, а тоа се слуши во 94. минута кога со гол од пенал Ѓорѓиевски ги постави конечните 2:2.
Натпреварот се одигра на стадионот „Благој Истатов“ во Струмица, а младите фудбалери на Брера Струмица добија поддршка од трибините.
Реваншот е закажан за 2. октовмри, кој доколку Брера го добие и помине во следната фаза ќе се соочи со израелски Камаби Петах Тиква.
