Фудбалерите на Брера Струмциа максимално подготвени за утрешниот натпревар во младинската Лига на шампион против Сараево од Босна и Херцеговина.
Денес беше последен тренинг за младите фудбалери на Брера Струмица пред утрешното соочување.
Стратегот Ѓорѓе Стојчев вели дека максимално е подготвена екипата за утрешниот натпревар кој ги очекува во младинската Лига на шампионо против Сараево од БиХ.
„Максимално сме подготвени за утрешниот натпревар што не очекува во младинската Лига на шампиони против Сараево. Се подготвувавме подолг период за оваа што не очекува, играчите се подготвени, се приклучија денес играчите од сениорскиот состав и со нетрпение го очекуваме натпреварот што треба да се одигра на стадионот „Благој Истатов“ во Струмица“, рече Стојчев.
Брера Струмица поставува здрави темели во клубот односно во младинските категории, за што во многу разговори и со координаторот на младинските школи, Борче Постолов сме дискутирале, Брера Струмица има долгорочен план за работа со младите категории за што потврда се овие резултати.
Стратегот на струмичани додава дека Сараево е сериозен противник, но вели дека со добра игра може да се радуваат на позитивен резултат.
„Екипата на Сараево е доста сериозен противник доминира подолги години во младинскиот фудбал во Босна и Херцеговина, се познаваме многу добро од турнирите што ги играме на Балканот каде што учествуваме со нашите младински екипи. Квалитетот е изедначен имаат неколку играчи што играат во сениорскиот тим. Ако одиграме добро имаме шанси да се радуваме на позитивен резултат утре во Струмица“, додаде Стојчев.
Натпреварот се игра утре, вторник на „Благој Истатов“ во Струмица од 15 часот, а реваншот во БиХ е закажан за 2. октомври. Доколку струмичани го поминат првиот филтер во втората фаза ќе се соочат со Трабзонспорт.