Со две победи во сингл и во двојки младиот македонски тенисер Андреј Темов ги заврши настапите на турнирот за играчи до 12 години што изминатата недела се играше на терените на МТП во Скопје. Младиот тенисер продолжува со одлични настапи, откако претходно успешни настапи имаше и на турнир во Тирана, Албанија.
Во поединечна конкуренција Темов без загубен сет стигна до победа, а идентичен беше резултатот и во конкуренција на двојки. Темов во финалниот меч го совлада Даниел Васев од Бугарија со 2-0 во сетови (64 62), а во полуфиналето го совлада Мајк Темос од Грција со 2-0 (63 62), додека во четвртфиналето го совлада Стефан Николеску од Романија со 2-0 (61 63).
Во мечевите во група заврши како првопласиран во конкуренција со Александре Спанос од Грција и Михаел Иванов од Бугарија.
Во игра на двојки заедно со Василиј Заковски во финалето Џонатан Корен од Израел и Алекса Стевиќ од Србија со 2-0 во сетови (63 61).
Овој турнир е уште една можност и шанса за младите македонски тенисери да одиграат натпревари со врсници од неколку европски држави. Оваа недела во Скопје се одржува уште еден турнир за тенисери во машка и женска коннкуренција до 14 години на теренот на Тенискиот клуб Југ.
