Превалец го доби дербито на 18. коло во Трета лига – Југ откако на домшен терен со 4:2 славеше над Башкими 2008 во трката за првото место и баражот за Втора лига.
На полувреме резултатот беше 1:1, откако Љупче Стефановски постигна гол за 1:0, а пак Аљбин Јашари во 30. минута израмни на 1:1. Во вториот дел Стефановски постигна уште еден гол, а пак Дукадиновски и Чоков беа стрелци на по еден гол за конечни 4:2.
„Петарда“ пукна во Кривогаштани откако Младост со 5:0 го декласираше Дреново, а на мечот хет-трик постигна Димтиар Китаноски. По еден гол постигнаа Чешелковски и Конески.
Бучин на домашен терен претрпе пораз од екипата на Влазними Јуниор со резултат од 1:2. За домашниот тим Андреј Николовски беше единствен стрелец, за гостинот Емрула Велиоски беше двоен стрелец, а пак Денис Башаноски беше стрелец на еден гол за 1:3.
Во Долни Дисан немаше победник, Венец и Слога од Лажани ги поделија бодовите играјќи 1:1. Волчески постигна гол за 0:1, а пак Ристовски за 1:1 погоди во 20. минута за конечен резултат.
Некогашниот второлигаш Росоман загуби со 1:3 од Питу Гули, со што тимот од Крушево ги носи трите бодови. Оливер Велевски беше стрелец на двата гола за гостинот со што тој е заслужен за победата, а еден гол постигна Стрезовски во 92. минута, додека пак за домашниот тим Кристијан Јованов беше единствен стрелец.
Во рамки на оваа коло слободна беше екипата на Ултрас и Големо Коњари.
