Фудбалскиот терен во Куклиш, кој со години беше запуштен, сега повторно блеска во полн сјај, како што му доликува на едно спортско игралиште.
Со формирањето на ФК Интер Кукла, не само што фудбалот се враќа во ова место, туку и теренот доби целосна реконструкција која беше неопходна, благодарение на посветеноста на раководството на клубот.
Извршено е темелно чистење на теренот, обновени се соблекувалните, а клубот инвестира и во набавка на нова опрема и реквизити за тренинг. Младите фудбалери сега имаат на располагање сè што е потребно за квалитетни тренинзи и одигрување натпревари.
Соблекувалните се целосно реновирани како однадвор, така и одвнатре, а тревникот редовно се одржува за да обезбеди најдобри услови за игра. Со оваа иницијатива, Куклиш повторно станува важно фудбалско жариште, создавајќи нови можности за младите спортски таленти.
