Одложените натпревари од 17. коло на Првата женска фудбалска лига поради големата трагедија во Кочани, каде животот го загубија 59 лица, ќе се одиграат во понеделник.
Во рамки на оваа рунда ќе се игра и големото дерби кое ќе решава и за титулата меѓу актуелниот шампион Љуботен и лидерот Тиверија Брера, ова ќе биде супер дерби кое ќе започне во 16 часот, а се игра во Тетово.
На теренот во скопско Пржино со почеток од 13:30 часот ќе се соочат Истатов и Ас Јунајтед од Струга, каде домаќинот ќе биде во улога на голем фаворит за трите бодови.
Во Битола ќе се игра градското дерби меѓу Топ Гол и Атлетико, во дерби каде трите бодови се императив и за двете страни. Градското дерби во Битола ќе започне во 15:30 часот.
Речица на домашен терен ќе игра против Скопје, каде гостинот ќе биде фаворит, а пак домаќинот сака изненадување со цел да го избегне претпоследното место кое води кон баражот за опстанок во Првата лига, а мечот ќе започне во 15:30 часот.
Спортска Мрежа пред да биде одложеното колото направи комплетна анализа на натпреварите.
