После големата трагедија која се случи во Кочани, каде животот го загубија 59 лица, репрезентативците на Македонија денес се собраа во Скопје на стартот од квалификациите за Светското првенство кое се игра во 2026 година во Соединетите Американски Држави, Мексико и Канада.
„Обединети во тагата! Со срце исполнето со болка и спомен ја споделуваме тагата со семејствата и блиските на настраданите. Нивниот светол дух ќе живее во нас. Нека почиваат во мир“, стои во објавата на ФФМ.
Денес беше одржан и првиот тренинг за саботниот меч со Лихтенштајн, а со оглед на големата трагедија која се случи во Кочани, сите медиумски активности на репрезентацијата ќе бидат сведени на минимум.
Македонија во сабота ќе се соочи со Лихтенштајн, а во вторник ќе игра со Велс.
