Актуелниот шампион Љуботен за пролетнито дел од Првата женска фудбалска лига ја претстави Нигеријката Мариан Огочукву Охадиве.
21-годишната фудбалерка во Тетово доаѓа од ревотеи на РФС од Латвија, а има искуство и во турската Суперлига, а има настапувано и во Лигата на шампионот за тимот од Латвија.
„Со Мариан добиваме уште поголема убоитост во нападот и со сигурност може да помогне како технички, тактички и агресивност на сите позиции, спремна е за предизвиците кои ни следат во престојната полусезона и веднаш ќе му се стави на располагање на тренерот и тимот за престојниот дерби натпревар, а се надеваме заедно до одбрана на титулата! Се надеваме дека маката околу добивање на визата ќе се исплати и заедно со многу победи и голови ќе го заборавиме сиот стрес изминатиов период“, велат од клубот.
Охадиве своето деби за новиот клуб ќе го има веќе в недела, кога Љуботен во Тетово ќе ја пречека Тиверија Брера од Струмица, во соочување каде ќе се решава за првото место и тулата.
Тиверија Брера е прва со 38 бодови, а пак Љуботен е втор со 37 бодови.
