Женска репрезентација на Македонија до 17 години денес оствари убедлива победа со резултат од 5:0 против селекција на Молдавија во рамките на првото коло од квалификацискиот турнир за Европското првенство кој се одржува во Скопје.
На тренинг центарот „Петар Милошевски” во Скопје, избраничките на Катерина Милеска одиграа фантастичен натпревар каде доминираа во сите сегменти од играта и повеќе од заслужено ја забележаа оваа висока победа.
Хет-трик на натпреварот постигна Настасја Накова, која беше најдобар играч на натпреварот. Накова во 29. минута погоди за 1:0 на полувреме. Во вториот дел од мечот Накова во 51. минута беше прецизна за 2:0, а само три минути подоцна Калина Попески постигна гол за 3:0.
Во 66. минута од натпреварот Ева Величкова погоди за 4:0 во 66. минута од натпреварот, а пак во 77. минута Накова постигна гол за нејзин хет-трик и конечни 5:0.
Во среда на 12. март Македонија на тренинг центарот „Петар Милошевски“ ќе игра против Словенија, а претходно на 9. март Молдавија и Словенија ќе играат меѓусебно со почеток од 13 часот.
