Брера Струмица никако да победи, шампионот Струга конечно победи, Силекс со „петарда“, триумф за Пелистер!

Брера Струмица никако да победи во пролетниот дел откако и денес со гол во финишот загуби од Гостивар и одново останува со празни раце, па веќе сериозно се загрозува опстанокот.

Гостивар преку голот на Хари Ли Ервин во 89. минута дојде до триумф во Струмица и ги собра трите бодови, а пак Брера запиша втор пораз во низа во првенството, а во рамки на 22. коло во Првата лига.

Беса во целост потврди на денешниот меч против Силекс и убедливо беше декласирана со 0:5. Кратовскиот тим на полувреме преку Алиќ, Ѓорѓиевски и Хрвановиќ имаше 0:3, а во вториот дел Маронг и Донов со одличен гол ги поставија конечните 0:5.

Беса никако да забележи триумф и останува на дното од табелата, а пак Силекс сега е на два бода негатива од лидерот Шкендија.

Токму Шкендија загуби од шампионот Струга Трим Лум во дербито покрај езерото со 3:0. Стружани под водство на новиот стратег Илчи Ѓорѓиески конечно победи и ставија крај на лошата серија резултати.

Радич беше двоен стрелец, а еден гол постигна и Радески, сите во вториот дел.

Тиквеш со голот на Садик во 90. минута се израдува на триумф против Шкупи на домашен терен од 1:0, во меч каде гоститнот од првиот дел беше со играч помалку на терен.

Домашна победа од 1:0 забележа и Пелистер против Воска Спорт со голот на Бошковски кој стрелаше во 65. минута.

Вардар со 0:2 ј доби скопската пресметка со Работнички, со што веќе оди кон сигурен опстанок. Омерагиќ не реализираше пенал, а пак Спахиу потоа погоди за 1:0 на полувреме. Во финишот од мечот Мато постигна гол за конечни 0:2.

• ЦЕЛА ТАБЕЛА ОД ПРВАТА ЛИГА: