Во сабота Охрид на домашен терен во салата “Билјанини Извори” ќе се соочи со Вардар, во рамки на 21. коло од регуларниот дел на Суперлигата.
Ракометарот на Охрид, Гоце Ојлески, вели дека Вардар е екипа која се бори за титула, додава дека со квалитетна игра и поддршка од навивачите одат кон што подобар резултат.
“Во сабота ни гостува екипата на Вардар, екипа која цели високо и секогаш се бори за титула. Наша задача е добро да се подготвиме за овој натпревар, сакаме да одиграме квалитетно пред нашата публика и да биде еден празник за ракометот во Охрид. Ги повикувам нашите навивачи да дојдат во што поголем број да ни бидат ветер во грб за што подобар резултат”, рече Ојлески.
Натпреварот се игра во сабота со почеток од 18 часот.
