Утре стартува четвртфиналето од футсал Купот на Македонија со мечот меѓу прволигашот Јувентус Серава и второлигашот Партизан Југ од Брвеница.
Фаворитската улога ќе биде на страната на прволигашот, кој на своја страна го има и домашниот терен. Мечот ќе започне во 18:45 часот.
Во среда ќе бидат одиграни останатите три натпревари. Во 18:45 часот се игра второлигашкото дерби меѓу Балкан и Кратово, каде и двете екипи посакуваат следна фаза односно полуфинален.
Балкан кој влезе во победничка серија е фаворит во однос на Кратово кој во Втората футсал лига е во резултатска криза.
Во 19:30 часот во Штип ќе се соочат лидерот во Втората футсал лига, Мал Ајакс и прволигашот Осогово, каде и овде фаворитската улога ќе му припадне на прволигашот од Крива Паланка, а Мал Ајакс ќе сака изненадување и полуфинале.
Четвртфиналната фаза се затвара во 21 часот во Куманово со дербито меѓу бранителот на Куп титулата екипата на Форца и Шкупи. Ова ќе биде најголемото дерби во ова фаза од Купот на Македонија.
Форца е на добар пат да ја одбрани титулата во Првата футсал лига, а тоа сака да го направи и во Купот и со тоа да ги обедини двете титули и да направи нов голем успех за освојување на двојната титула.
Шкупи во Куманово патува по полуфинале, а тоа ветува одлично четвртфинале. Победниците од ова фаза патуваат во полуфиналето.
