Денес на Градскиот стадион во Велес се одигра пријателски натпревар меѓу Превалец и Еуромилк ГЛ каде домашниот тим со 3:2 беше подобар на овој натпревар.
За Превалец стрелци беа Дејан Стефаноски, Ангел Гаштев и Пеце Стојанов, додека пак за Еуромилк ГЛ погодија Томче Павловски и Мики Митров.
Превалец во пролетниот дел во Трета лига – Југ ќе води борба за освојување на првото место, а со тоа и да го обезбеди баражот за можен влез во Втората лига. Екипата на Превалец под водство на Димче Маневски подготовките ги започна на 26. јануари, а во овој подготвителен период Превалец одигра и неколку пријателски натпревари.
„Одличен контролен натпревар. Висок интензитет и цврста игра од страна на двете екипи. Благодарност до гостите за фер и коректната игра. Судиската тројка коректно го водеше натпреварот“, изјави за Спортска Мрежа, тренерот на Превалец, Димче Маневски.
Превалец со 6:2 го доби Горски, потоа Превалец беше подобар и од Младост со 5:2, па следуваше нов висок триумф за Превалец против Башкими со 4:1, Превалец го доби пријателскиот меч и со Форца со резултат од 4:2.
