На 15. септември ќе започне новата сезона во Втората женска фудбалска лига, а во која учество како и минатата сезона ќе земаат осум екипи.
Прв фаворит во новата сезона за првото место кое директно води кон Првата лига е Кочани, а потврда за тоа се засилувањата кои пристигнаа во Кочани, а тоа се искусната Кате Милеска од ланскиот прволигаш Цевитана од Прилеп и Афродита Салхи која доаѓа од прволигаш Шкендија, кој пресната со натпреварување поради финансиски проблеми.
Овие две засилувања ќе бидат моторот на Кочани во походот кон освојување на првото место, а во трката за истото ќе се вмеша ланскиот вицешампион Вардар, кој не го помина баражот со прволигашот Топ Гол и остана во Втората лига.
Нова екипа во Втората лига е ЖФК Слободен, а екипата на Цевитана која лани испадна од Прва лига нема воопшто да се натпреварува.
Во првото коло новајлијата Слободен на домашен терен ќе игра со Порече од Македонски Брод, Победа Валандово 16 на домашен терен ќе игра со велешки Борец, Вардар ќе биде домаќин на радовишка Плачковица, а пак во Охрид соочување на Билјанини Извори и Кочани.
Алексаднар Ванев, Спортска Мрежа
