Актуелниот освојувач на ЕХФ Европскиот Куп, ГРК Охрид, го очекува нов европски предизвик, а противник во второто коло ќе му биде турскиот Спор Тото. „Гладијаторите“ ќе имаат можност пред домашната публика да направат важен чекор кон следната рунда, со оглед на тоа што двата натпревари ќе се одиграат во СРЦ „Билјанини Извори“, во петок и сабота, со почеток од 18:30 часот.
Во пресрет на европскиот двомеч, ракометарот на Охрид, Шуичи Јошида, испрати јасна порака за подготвеноста и решителноста на тимот. Свесни за тежината на предизвикот, охриѓани веруваат во сопствените квалитети и најавуваат максимална посветеност на теренот, со заедничка цел да го остварат посакуваниот резултат.
„Подготвени сме за овие два натпревари. Знаеме дека ќе биде тежок предизвик, но веруваме во себе и во нашиот тим. Ќе се бориме заедно, ќе дадеме 100% на теренот и ќе дадеме сè од себе за да го постигнеме посакуваниот резултат.“- изјави Јошида.
Двата дуела со Спор Тото ќе бидат нов тест за амбициите на актуелниот европски шампион, кој сака да продолжи со успешните настапи на меѓународната сцена. Поддршката од охридската публика ќе биде дополнителен мотив за „гладијаторите“, кои ги очекуваат два важни натпревари во борбата за пласман во третото коло од ЕХФ Европскиот Куп.
