Како што вчера информираше Спортска Мрежа, Управниот одбор на ФФМ по добиеното известување за определени неправилност во ОФС Охрид, донесе одлука на закажаното Собрание на ОФС Охрид да нема претставник од ФФМ.
„Комисијата задолжена за надгледување на изборниот процес има обврска веднаш да ги провери наводите за нерегуларности и во најкраток временски рок да го извести Управниот одбор“, се вели во соопштението од ФФМ.
Вечерва, ОФС Охрид излезе со соопштение во кое се вели дека секогаш ги почитувале одлуките на УО на ФФМ.
„Во врска со Собранието на ОФС-Охрид кое е закажано на 10.01.2025 година, ОФС-ОХРИД секогаш ги почитувала одлуките на У.О. на Фудбалската Федерација на Македонија и сега во целост стоиме на располагање за решавање на наводните неправилности и ќе постапи по насоките на ФФМ и ќе ја чекаме Одлуката за одржување на Собрание“, се вели во соопштението од страна на ОФС-Охрид.
Ова е соопшението на ОФС-Охрид кое беше објавено вечерва.
„Собранијата на Општинските фудбалски Сојузи на кои нема легитимен претставник назначен од У.О. на ФФМ со уредно писмено полномоштно, одреден печат и заверен архивски број не произведуваат правни дејства кон ФФМ и истите од страна на ФФМ нема да бидат признати“, се вели во вчерашното соопштение на ФФМ, кое го пренесе Спортска Мрежа.
