Штип УГД е освојувач на „Чајка“ Супер купот на Македонија во машка конкуренција, откако освојувачот на двојната круна од ланската сезона со убедливи 3:0 во сетови го декласираше ГОК Борец и стигна до првиот пехар на отварањето на новата сезона.
Новото засилување на Штип УГД, Александар Љафтов беше избран за МВП на „Чајка“ Супер купот.
Првиот сет заврши со резултат од 25:15, во вториот штипјани беа подобри со 25:16, а пак третиот сет заврши со резултат од 25:15 за Штип УГД.
Противниците играа рамноправно се до средината на трите сета. Велешани на моменти имаа два до три поени предност, но, сепак, клучна беше подолгата клупа, поголемиот избор за ротација која ја имаше како опција крушевскиот стратег Кристиан Ристески и секако искуството во редовите на тимот од градот под Исарот.
Минатата сезона Штип УГД за првпат стана шампион на Македонија, а по третпат ја освои Куп титулата, на двата фронта финален противник беше ГОК Борец, со што штипјани на трите фронта за титула ги добиваат велешани.
Штипјани ќе дебитираат и во ЦЕВ Лигата на шампионит, а мечевите ќе ги играат во салата „Џексон“.
