Вечерва во 18 часот во Богданци ќе се одигра натпреварот од третото коло на Супер лигата меѓу Младост и Вардар, се очекува полна сала и силна поддршка за домашните.
Двете екипи го заменија домаќинството, Вардар доаѓа како фаворит за бодовите, но Младост нема да се предаде така лесно и ќе сака да се докажува против поранешниот европски шампион на Македонија.
Салата „Млаз“ ќе „крца“ и ќе дава поддршка за Младост, кој го бара првиот сезонски триумф, а пак „црвено-црните“ ќе сакаат трета победа во низа.
Богданци живее за ракометот, а вечерва тоа ќе го почувствува и македонскиот шампион.
