Охрид продолжува со добри резултати во Втората македонска фудбалска лига, откако на домашен терен со 2-1 го совлада Еуромилк ГЛ. Двата погодоци за охриѓани ги постигна Антонио Кланоски, кој со својата реализација му донесе нови три бода на домашниот тим. За гостинот погоди Димитар Стојановски.
До првата второлигашка победа во новата сезона стигна и Новаци. Тимот со убедливи 3-1 го совлада Детонит Плачковица, со што ја запиша првата победа и тоа преку пресврт.
Емир Шаботиќ во 4. минута донесе предност за радовишани, а по две минути беше 1:1 со голот на Стефан Јовановски. Веќе во 12. минута Новаци направи пресврт преку Никола Талески, кој во второ полувреме погоди за конечни 3:1.
Кожуф, пак, славеше на гостувањето во Кочани, каде со минимални 0-1 го совлада Осогово. За домашниот тим ова е нов неуспех пред своите навивачи, а стрелец на голот беше Сашо Дуков.
Најубедлив триумф забележа Пелистер, кој со високи 0-4 славеше на гостувањето кај Шкупи. Битолчани со оваа победа продолжуваат во победнички ритам и најавуваат сериозен атак на врвот на табелата.
Симеон Христов беше двоен стрелец, а по еден гол постигнаа Јорданчо Наумоски и Кире Стојанов.
Вечерва, Беласица игра против Тетекс.
