Некогашниот прволигаш Ренова се откажа од натпреварување во Третата македонска фудбалска лига регион 6 и ќе продолжи со натпреварување само со младински категории, односно клубот од Џепчиште нема да биде активен со сениорски тим.
Поранешниот шампион на Македонија и освојувач на Купот, пред стартот на сезона 2022/2023 се откажа од натпреварување во Првата македонската фудбалска лига и не продолжи со натпреварување во сениорска конкуренција.
Клубот настапуваше две сезони во Трета лига – Запад без да има амбиции за нешто повеќе односно за враќање во Втора лига, а потоа и во Првата македонска фудбалска лига.
Во сезона 2024/2025 Ренова заврши на деветтото место во Трета лига – Запад со 29 бодови, а минатата сезона 2025/2026 одново Ренова заврши на деветтото место, овој пат со 20 бодови на своето конто.
Ренова ќе продолжи да се натпреварува во Втората младинска лига, во Втората пионерска лига – Запад, како и во Втората кадетска лига – Запад.
