Без победник заврши натпреварот во Тетово со кој се комплетираше 4. коло на Првата женска фудбалска лига, откако Љуботен и Тиверија Брера одиграа 1:1.
Меч со многу шанси и пропуштени можности и на двете страни, па на крај мораа двете екипи мораа да се задоволат само со бод.
Билјана Панеска која игра во фантастична форма го продолжува својот голгетерски ефект откако во 15. минута постигна гол за отварање на резултатот и водство на гостинот од Струмица. Со минимална предност Тиверија Брера замина на полувреме.
Во вториот дел домаќинот преку Бразилката Лоурдес Роберта Оливеира До Насцименто дојде до израмнување во 61. минута, а до крајот мрежите мируваа и резултат од 1:1 стана конечен.
По четири кола Љуботен го држи врвот со десет освоени бодои, а пак Тиверија Брера е на петтата позиција со седум бодови.
