Скопје повторно ќе биде во центарот на медитеранскиот ракомет, откако Македонија ја доби организацијата на 23. MHC Open Men’s Championship, кој ќе се одржи во април следната година.
Одлуката е донесена на седницата на Извршниот комитет на Медитеранската ракометна конфедерација (MHC) одржана на 27 август 2026 година, при што едногласно било одлучено домаќин и организатор на првенството да биде Ракометната федерација на Македонија.
Шампионатот ќе се одржи од 18 до 25 април 2027 година во Скопје, а право на настап ќе имаат младите ракометари родени во 2010 година и помлади.
Добивањето на организацијата претставува ново признание за македонскиот ракомет и доверба во капацитетите на РФМ за реализација на меѓународни натпревари и турнири.
Така, главниот град повторно ќе биде домаќин на меѓународен ракометен настан, овојпат со фокус на најмладите таленти од медитеранскиот регион.
