Сезоната во македонскиот ракомет ќе биде отворена со пресметка за првиот трофеј, а веќе се познати и арбитрите кои ќе ја делат правдата во Супер Купот.
На дуелот меѓу актуелниот шампион Вардар и финалистот на Купот, Охрид, главниот збор ќе го имаат Исмаил Металари и Ненад Николовски, кои ја добија довербата од Ракометната федерација на Македонија.
Двата тима веќе двапати ги одмерија силите во подготовките за новата сезона. И на турнирот во Струга и на домашниот турнир во Охрид, триумфираше составот предводен од Борис Ројевиќ, па Супер Купот ќе биде нивната трета меѓусебна пресметка во претсезонскиот период.
Натпреварот е закажан за утре (02.09) од 19:00 часот, а домаќин ќе биде салата „26 Април“ во Гевгелија.
