Новата сезона во Лигата на шампионите ќе започне и со македонско присуство на теренот, откако Европската ракометна федерација ги објави делегациите за воведното коло од најквалитетното клупско натпреварување.
Македонската судиска двојка Димитар Митревски и Благојче Тодоровски доби задача да го води дуелот меѓу Загреб и Целје, кој носи хрватско-словенечка пресметка на стартот од европската елита.
Натпреварот е предвиден за 9 септември со почеток во 18:45 часот, а ќе се игра во „Загреб Арена“. Делегат на средбата ќе биде Србинот Јован Попадиќ.
