Второлигашот Детонит Плачковица дополнително се засили за продолжението од сезоната со младиот и перспективен Лука Бојаџиев, кој доаѓа на позајмица од штипскиот прволигаш Брегалница.
19-годишниот фудбалер од среден ред беше дел и од репрезентацијата на Македонија до 20 година на Медитеранските игри во Таранто, Италија. Покрај за матичната Брегалница беше дел и од Кит Го од Пехчево.
Минатата сезона Бојаџиев одигра фантастично за Брегалница и беше дел од генерацијата фудбалери кои го вратија клубот од градот под Исарот во елитата.
Веќе в сабота Детонит Плачковица на домашен терен ќе игра против Осогово, во натпревар од 4. коло на ВМФЛ, а тоа ќе биде можност и за деби на 19-годишниот младински репрезентативец од Штип.
