КК Пелистер продолжува со засилувањето на ростерот, а најново име во составот на битолскиот клуб е американскиот центар Рузвелт Вилер.
Станува збор за 23-годишен кошаркар висок 211 сантиметри, кој во Битола пристигнува со солидно интернационално искуство и репутација на квалитетен и физички доминантен играч. Минатата сезона Вилер настапуваше во Швајцарија, каде што го носеше дресот на Женева и Масањо.
Американецот своите први чекори во колеџ-баскетот ги направи на Луизвил, по што се пресели во Ист Тенеси. Во досегашната кариера има и шампионска титула во Чиле, каде што настапуваше за Кулпе.
Со доаѓањето во Битола, Вилер ќе му се приклучи на тимот и веднаш ќе му биде на располагање на тренерот Тане Спасев.
Пелистер со ангажманот на Вилер добива уште едно физички моќно решение под кошевите, со кое дополнително ја зголемува конкуренцијата и квалитетот во својот ростер пред новата сезона.
