КК Кожув продолжува со формирањето на тимот за новата сезона, а најново засилување во составот на гевгеличани е 30-годишниот српски бек Стефан Симиќ.
Симиќ е висок 193 сантиметри и во Гевгелија пристигнува со значајно искуство од српската и црногорската кошарка. Во досегашната кариера настапувал за екипи како Мега Баскет, Слобода Ужице, Младост Земун и Вршац, а има играно и за црногорскиот клуб Сутјеска.
Новиот кошаркар на Кожув зад себе има и освоен трофеј, откако во 2020 година триумфираше во Купот на Кошаркарската лига на Србија.
Симиќ во Кожув доаѓа со амбиција да донесе дополнителен квалитет и искуство во бековската линија и да биде важен дел од тимот во новата сезона. Од клубот очекуваат неговото искуство и борбеност да бидат значаен придонес во остварувањето на зацртаните цели.
