Фаворитите и во 13. коло од Првата одбојкарска лига во машка конкуренција одиграа според планот.
Лидерот и шампион Струмица со 1:3 славеше победа над Работнички на гостински терен. Првите два сета му припаднаа на гостинот со 21:25 и 22:25, а во третиот сет Работнички беше пдообар со 25:23, додека пак во четвртиот сет Струмица беше подобра со 19:25.
Борец со 1:3 славеше во Струмица над Македонија Џио откако гостинот од Велес првите два сетови ги доби со 15:25 и 18:25. Во третиот сет струмичани беа подобри со 25:23, а пак четвртиот сет го доби гостинот со 16:25.
Екипата на Лириа со 3:0 во сетови славеше висока и сигурна победа над Јанта Волеј (25:18) (25:16) (25:15).
Сушево со 3:2 славеше над Весна Пробиштип (24:26) (18:25) (25:22) (25:13) (17:15)
Екипата на Шкендија на домашен терен загуби од освојувачот на Купот, екипата на Штип УГД со 0:3 во сетови. Штипјани беа пресилни, откако првиот сет го добија со 15:25, вториот со 10:25, а третиот со 9:25.
Универзитет Тетово со 3:0 во сетови (25:8) (25:18) (25:13) славеше победа над Вардар на домашен терен.
