Второлигашот Кожуф од Гевгелија се засили со Давид Ашовалиев и Милан Миленковиќ двајцата во пакет пристигнаа од редовите на третолигашот Победа од Валандово.
Ашовалиев и Миленковиќ минатата сезона беа шампиони со Победа во Трета лига – Исток, но во баражот не успеаја во дресот на „калинкарите“ да триумфираат за пласман во Втора лига.
Ашовалиев кој има 20 години веќе се истакна на пријателската против Новаци кога го постигна единствениот гол за триумф на Кожуф од 1:0 над Новаци. Во неговата кариера настапуваше и за екс второлигашот Вардарски од Богданци, Дојранско Езеро, Беласица, АП Брера Струмица, а за него ова ќе биде враќање во Кожуф бидејќи таму и ја започна кариерата.
Миленковиќ има 19 години, а претходно беше дел од Њу Старс, Беласица, Џокер и Истатов од каде и ја започна кариерата.
Новата сезона Кожуф ја отвара во Скопје каде ќе му гостува на ланскиот прволигаш Работнички.
