Фудбалската академија Христов, со поддршка на Општина Василево и семејството Петрови, на 22 и 23 август 2026 година ќе го организира Меморијалниот турнир „Трајчо Петров“, посветен на ликот и делото на Трајчо Петров.
Турнирот ќе се одржи на стадионот во Василево, а ќе учествуваат млади фудбалери од генерациите 2013 до 2019 година.
Програмата започнува на 22 август, кога на терен ќе настапат екипите од генерациите 2014 и 2015, додека вториот натпреварувачки ден, 23 август, ќе биде резервиран за генерациите 2016, 2017, 2018 и 2019.
Организаторите и годинава остануваат доследни на својата мисија турнирот да биде празник на детскиот фудбал, а не само натпреварување. Под мотото „Секое дете е победник со медал“, секој млад фудбалер ќе добие признание за своето учество, со што се испраќа силна порака дека најважни се дружењето, спортскиот дух и љубовта кон фудбалот.
Меморијалниот турнир има за цел да го зачува споменот на Трајчо Петров, а низ детската игра да ги негува вредностите на почитта, традицијата, дружењето и фер-плејот.
И годинава, Спортска Мрежа ќе биде медиумски покровител на турнирот, обезбедувајќи целосно медиумско покривање на натпреварите, резултатите и најинтересните моменти од оваа традиционална спортска манифестација, која секоја година собира голем број млади фудбалери, тренери и љубители на фудбалот во Василево.
