Брегалница во неколку минути промовираше двајца нови фудбалери, по Кристијан Костоски, ново име меѓу „сините“ е Филип Алексовски, кој пристига од екипата на Башкими.
Се работи за квалитетен офанзивец, кој може да настапува во шпицот на нападот и како десно крилен напаѓач. Низ неговата кариера покрај за Башкими настапуваше и за Беса од Добри Дол, Кораб од Дебар и Македонија ЃП.
Алексовски е поранешен младински репрезентативец, а во Првата лига има 121 настап со 16 погодоци и 6 асистенции. 26-годишникот двапати го освои Купот на Македонија со екипата на Македонија ЃП.
На стартот од новата сезона Брегалница ќе гостува кај шампионот Вардар во гости.
