Во рамки на 8. коло од Втората македонска фудбалска лига екипата на Кожуф на домашен терен на Градскиот стадион во Гевгелија со 2:0 триумфираше сигурно над Борец од Велес, но овој меч го одбележа фантастичното голчиште на Александар Ѓорѓиески за отварање на резултатот во Гевгелија.
Се играше 15. минута од мечот кога Кирил Стојков проигра со Ѓорѓиески, а 24-годишниот охриѓанец испрати вистински проектил кон голот на Борец, каде гостинскиот голман Петар Јакимов „пливаше во празно“ и беше немоќен при таков прецизен шут.
Погодокот на Ѓорѓиески всушност беше против неговиот поранешен клуб, охриѓанецот за Борец настапуваше во период од јули 2021 до јули 2022 година.
- АТРАКТИВНИОТ ГОЛ НА ЃОРЃИЕСКИ И „ПЛИВАЊЕТО ВО ПРАЗНО“ НА ЈАКИМОВ ВО ГЕВГЕЛИЈА:
Ѓорѓиески во Кожуф пристигна од Детонит Плачковица, претходно настапуваше за прволигашот Воска Спорт, Охрид, Македонија ЃП, Вардар и Еуромилк ГЛ.
