Вечерва на турнирот во мал фудбал „Петровден“ во Мешеишта беше одигран само еден натпревар, два беа одложени поради лоши временски прилики.
Екипата на Др. Баткоски имаше лесна задача и брзо го „преслуша“ составот на Киоск кај Бироно откако му „тресна“ осум гола за конечен триумф од 8:2.
Утрешната програма нуди три натпревари, а вечерта ќе биде отворена со натпреварот меѓу Хотел и спа Инекс Олгица против Попоски Инженеринг Кафе Дома во 20:30 часот. Еден час подоцна стартува вториот меч во кој се среќаваат Златара Бени Ерол и АД Галеб.
Вечерва се затвара со третиот меч меѓу Хотел Тино и Аце Најдески.
Бидете утре во Мешеишта и следете три возбудливи мечеви кои ќе бидат повеќе од возбудливи и неизвесни во битката за трите бодови.
Спортска Мрежа и годинава е медиумски покровител на овој спортски настан, кој го има своето 51. издание, а турнирот „Петровден“ стана препознатлив симбол на малиот фудбал низ цела држава.
