Познати се екипи кои обезбедија место го големото финале на Меѓуопштинскиот турнир во мал фудбал “Ресен 2026”, откако синоќа беа одиграни полуфиналните мечеви.
Инекс Олгица со тесни 2:1 успеа да го совлада тимот на Пекара Александар и да се чекира во големото финале.
По овој меч следуваше ревијален натпревар на младинците на РК Преспа.
Во вториот полуфинале меч беа постигнати четири погодоци за славје на АСП Пак од 1:3 над Студио 13.
Тоа значи дека на турнирот во Ресен ќе се гледа охридско финале меѓу Инекс Олгица и АСП Пак, а пак во битката за третото место ќе се соочат Пекара Александар и Студио 13.
Денес ќе биде слободен ден, а финалните возбудувања се закажани за среда.
Од 20 часот ќе се игра мечот за трето место меѓу Пекара Александар и Студио 13, од 21 часот на програмата е предвиден ревијален меч, а од 22 часот стартува финалната борба меѓу Инекс Олгица и АСП Пак.
Спортска Мрежа и годинава медиумски го поддршка турнирот во мал фудбал “Ресен 2026”, на кој секоја вечер имаше голем број на публика и одлична атмосфера.
