Екипа на АСП Пак е победник на овогодинешното издание на турнирот во мал фудбал „Враништа 2026“ откако во големото финале славеше над Кафе Бар 9 во пенал серијата.
Во регуларниот дел немаше погодоци, мрежите мируваа на двете страница (0:0), по што големото финале се решаваше во пенал серијата, која се покажа кобна на за Кафе Бар 9 откако АСП Пак беше подобар со 3:2.
Претходно се одигра натпреварот за трето место меѓу екипите на Инекс Олгица и Чардак Велгошти, кој заврши со резултат од 4:2 со што тимот на Инекс Олгица го освои третото место, а пак екипата на Чардак Велгошти заврши на четвртото место.
Спортска Мрежа и годинава беше медиумски покровител на овој спортски настан, кој и годинава помина со одлична организација, многу публика во секоја натпреварувачка вечер, многу забава, погодоци, атракции, шанси и моменти кои ќе се паметат од „Враништа 2026“.
До следното издание на турнирот во мал фудбал Враништа 2027 спортски поздрав.
