Фудбалерките на Вардар со убедливи 1:4 го добија „фенерџијата“ Топ Гол среде Битола во рамки на 24. коло на Првата женска фудбалска лига.
Јулија Живиќ погоди во 24. минута за 0:1 на полувреме. Во вториот дел Теодора Јанковска постигна гол за 0:2 во 46. минута, а една минута подоцна Александра Ристевска постигна гол за 1:2.
До крајот Јелена Радевич во 69. минута беше прецизна за 1:3, а во завршните мигови од мечот Ивана Милевска погоди за конечни 1:4.
Претходно, како што објави Спортска Мрежа во деталниот извештај Истатов го доби Ас Јунајтед со 3:2, Љуботен загуби од Тиверија Брера со 1:4, Каменица Саса со 2:1 го доби новиот шампион Скопје.
Колото ќе се затвори на 13 мај со мечот меѓу Кочани и Речица.
