Тиверија Брера со високи 1:4 славеше над ланскиот шампион Љуботен на гостински терен, во рамки на 24. коло на Првата женска фудбалска лига.
До овој голем триумф со кој струмичанки се зацврстуваат на второто место стигнаа преку двојните стрелци Розита Пецева и Билјана Панеска.
За тетовскиот тим единствен стрелец во високиот пораз беше Меланија Грозданова.
Новиот шампион Скопје загуби на гостинувањето кај Каменица Саса, откако резултатот во малото рударско гратче беше 2:1.
За домашниот тим Бразилката Тчеури Харуми Гоја во 11. минута погоди за 1:0, а седум минути подоцна капитенката Ана Димитровска ја дуплираше предност.
Во судиското надополнување на мечот Кристина Крстева Кристина го ублажи поразот на конечни 2:1.
Истатов ги освои трите бодови во мечот со Ас Јунајтед на крилата на Радица Чонева која постигна хет-трик за славје од 3:2 над гостинот од Струга.
Елена Мацевска и Диелза Ибраими беа стрелци за Ас Јунајтед.
