Второлигашот Шкендија Арачиново може да се пофали со неверојатна статистика кога е во прашање дефанзивата, а Антонио Столевски да се пофали со неверојатна низа на чиста мрежа на својот гол.
Столевски имаше пет меча во низа чиста мрежа, не прими погодок против Големо Коњари (0:4), Детонит Плачковица (1:), Слога Виница (0:5), Беласица (0:0) и Тетекс (2:0).
Потоа прими гол во Кочани од Осогово (1:1), а сега продолжува Столевски да гради нова низа на чиста мрежа откако врза два меча без примен гол Победа (5:0) и Кожуф (0:1).
Седум натпревар еден примен гол, 630 минути активна игра
Но, за вакви добри бројки и за одличните перформанси заслуга има Стефан Јакиомвски, кој работи како тренер на голмани во стручниот штаб на Берат Имери во Шкендија Арачиново.
Кој вели дека ваквите бројки не се случајност, туку резултат на јасно структуриран тренажен процес, современо разбирање на улогата на голманот и континуирана психолошка стабилност.
„Како дел од стручниот тим на клуб кој се бори за влез во Првата македонска лига, успешно имплементирав систем кој е научно поткрепен и, што е најважно – дава конкретни резултати на терен. Седум натпревари, еден примен гол, 630 минути активна игра. Овие бројки не се случајност, туку резултат на јасно структуриран тренажен процес, современо разбирање на улогата на голманот и континуирана психолошка стабилност.
Во рамки на мојот труд, посебен акцент ставам на следното:
„Во современиот фудбал, тренерот на голмани има исклучително значајна и комплексна улога која ја надминува традиционалната техничка подготовка. Тој е стратешки и аналитички дел од стручниот штаб, интегриран во целокупниот систем на игра. Неговата работа опфаќа техничко-тактичка едукација, физичка и ментална подготовка, анализа на перформанси, индивидуализирани програми и тесна соработка со главниот тренер и аналитичкиот тим.“ И кога системот функционира, резултатите го потврдуваат тоа“, вели Јакимовски.
Статистичка Шкендија Арачиново има најдобра одбрана со примени 15 гола, па следуваат одбраните на Брегалница и Охрид со по 16 примени погодоци, па одбраната на Скопје која примила 18 гола.
Со вакви неверојатни бројки Антонио Столевски ќе го чува голот на како што тој вели меч со карактер на финале против Брегалница во Штип. Директна дерби пресметка на Брегалница и Шкендија Арачиново за тоа кој ќе биде шампион и ќе има директен влез во Прва лига.
